Lerums Utvalde syltetøy vann internasjonal pris for smak og kvalitet
26.05.2011
Lerums Utvalde syltetøy blei nyleg tildelt to gullstjerner i Superior Taste Award, ein pris som som blir omtala som Michelin-guiden i matverda.
FOU og kvalitetssjef i Lerum, Merete Lunde, er godt nøgd med utmerkinga:
- Vi er strålande nøgde! Vi veit at kundane våre er veldig glade i syltetøyet vårt, så å få den gode smaken stadfesta av smaksekspertane er eit ekstra prov for at Lerums syltetøy leverer på smak.
Det er Internasjonalt Institutt For Smak & Kvalitet (iTQi) i Brüssel som står bak smaksprisen. Den blir tildelt årleg av eit omfattande dommarpanel med nokre av verdas dyktigaste kokkar og vinkelnarar.
Det var produkta Lerums Utvalde bringerbærsyltetøy, kirsebærsyltetøy og jordbærsyltetøy som hausta to gyldne stjerner i blindtesten, ei utmerking som berre blir gitt til bemerkelsesverdige produkt som scorar svært høgt i smaksbedømminga.
- Det blir spanande å sjå om utmerkinga vil føre til at endå fleire vil oppdage det framifrå utvalde syltetøyet vårt, seier Merete Lunde.
Les meir om iTQi og Superior Taste Award på www.itqi.com
