Lerum får KuttMatsvinn-beviset
– Eit bevis på at innsatsen monnar.
Lerum har fått det synlege beviset på at dei tek kampen mot matsvinn på alvor. Som ein av stadig fleire mat- og serveringsverksemder i Noreg har vi fått tildelt Kutt Matsvinn-beviset frå bransjeinitiativet «KuttMatsvinn 2030».
– Vi er stolte over å få denne anerkjenninga. Beviset viser at arbeidet vårt med å redusere matsvinn gir resultat, seier Hans Christian Bjerketveit, direktør for forsyning og forretningsutvikling.
Dokumentert innsats
For å få beviset må verksemda dokumentere både systematisk innsats og konkrete resultat. Det omfattar blant anna rutinar for kartlegging, målretting, tiltak og evaluering av matsvinn i produksjon og drift. Beviset vert delt ut til verksemder som kan vise til reelle og målbare kutt i matsvinnet, og som er ein aktiv del av bransjeavtalen for redusert matsvinn.
– Vi har lenge jobba målretta med å betre utnyttinga av råvarer og redusere svinn i produksjonen. Det handlar både om god drift og ansvarlegheit for ressursane vi har, fortel Bjerketveit.
Viktig del av berekraftsarbeidet
Matsvinn er ei stor klimautfordring, og ifølgje Matvett står matsvinnet i Noreg for rundt 1,3 millionar tonn CO₂-ekvivalentar kvart år. Målet med bransjeinitiativet KuttMatsvinn 2030 er å halvere matsvinnet innan utgangen av 2030.
– Berekraft er viktig for oss i Lerum. Vi ønskjer å vere ein del av løysinga, og beviset frå Matvett er ei stadfesting på at me er på rett veg.
Kutt Matsvinn-beviset er utvikla av Matvett og bransjen sjølv, og skal inspirere og motivere fleire til å jobbe målretta med å redusere matsvinn. Beviset vert delt ut årleg, og byggjer på datainnsamling og rapportering frå verksemdene sjølve.
